Што е Euro NCAP?

Здружението Euro NCAP (European New Car Assessment Program) е основано во 1997 година, и има за цел обезбедување на неазвисна и реална проценка на сигурносните карактеристики на најпопуларните автомобили кои се продаваат во Европа. Како независна европска организација, здружението Euro NCAP зад себе има поддршка од пет европски влади, Европската Комисија како и автомобилски и потрошувачки организации од земјите на Европската Заедница.
Благодарение на својата квалитетна работа насочена кон обезбедување на информации првенствено на купувачите на нови автомобили, Euro NCAP успеа да издејствува повисоки сигурносни стандарди при конструкцијата на нови модели. Во тестовите кои ги спроведува Euro NCAP спаѓаат Фронтален судир, Страничен удар, Ненадејно излетување на пешак и заштита на главите на патниците.

Како тестира Euro NCAP?

Euro NCAP ги тестира возилата на начин на кој се мери сигурноста на возачот и патниците во возилото. Податоците добиени на тестовите на Euro NCAP се врзани со одреден модел и година на производство на истиот, како и годината во која е извршен тестот Euro NCAP на односното возило. Наведените податоци за од информативна природа.

Добриот резултат постигнат во овој изискувачки тест важи како потврда за квалитетот за висока сигурност за патниците во светкси рамки. Сигурноста на патниците се оценува во три номинирани тестови во кои, во вкупен збир, возилата можат да освојат 37 поени.

Со првиот тест се оценува однесувањето на возилата во фронтален судир. Тестното возило удира со брзина од 64 км/ч во неподвижна деформирачка препрека. Експериментот симулира странично свртен фронтален удар на два автомобила, кој е воедно и најчест тип на несреќа (максимум 16 поени).

Со вториот тест се проценува страничен удар. Во возило во мирување удира подвижна препрека тешка 950кг, со брзина од 50км/ч. Притоа, средината на препреката е насочена кон возачот. (максимум 16 поени)

Дополнителниот тест на Удар во столб е воведен во 2001 г. за возила со странична конструкција за заштита на главата. Автомобил монитран на санки удира со брзина од 29 км/ч странично во хоризонтален челичен столб. Предуслов за овој тест е максимален број на поени освоени во страничниот тест.

Дополнителните поени се добиваат доколку возилото има предупредувачки звучен сигнал кој се активира ако патниците не се врзани. За предупредувачкиот сигнал вграден на обете предни и задни седишта можно е да се освојат до 3 поени. Возилото кое ќе освои вкупно 32, 5 поени добива највисока оценка од 5 ѕвездичкиԮ